തൃശൂരിന്റെ നാഥന്‍, ശ്രീ വടക്കുന്നാഥന്‍ ക്ഷേത്രം ഏവര്‍ക്കും സുപരിചിതം. അവിടെ ദര്‍ശനം പതിവുള്ളവര്‍ക്കും അറിയാത്ത കുറെ കാര്യങ്ങള്‍ ഇപ്പോഴും അവശേഷിക്കുന്നു...
ക്ഷേത്രദര്‍ശനത്തിനു നിത്യവും എത്തുന്നവര്‍ക്കുപോലും അറിയില്ല, ഇവിടെ തൊഴുവാനുള്ള വിധാനം...!.
വടക്കുന്നാഥ ക്ഷേത്രദര്‍ശനത്തിന്‌ ഒരു നിയമം ഉണ്ട്‌...ആരില്‍ തുടങ്ങി ആരില്‍ അവസാനിപ്പിയ്‌ക്കണം എന്നിങ്ങനെ വിശദീകരിക്കുന്ന വിശദമായ ശ്ലോകമുണ്ട്‌...
അത്‌ അറിയുന്നവര്‍ ഇന്നുണ്ടോ എന്നു സംശയം....
അതുകൊണ്ടു തന്നെ ചിട്ടപ്രകാരം തൊഴൂന്നവരും അപൂര്‍വ്വം.
പറഞ്ഞുവന്നത്‌, അവിടെ ചുറ്റമ്പലത്തിലെ ഗണപതി പ്രതിഷ്‌ഠയാണ്‌. കരിങ്കല്ലുകൊണ്ടു പടുത്ത ശ്രീകോവില്‍. നടയൊഴിച്ചാല്‍ മറ്റു ദ്വാരങ്ങളൊന്നുമില്ല. ക്ഷേത്രത്തിലെ ഗണപതി, ക്ഷേത്രത്തിന്റെ മുതല്‍സൂക്ഷിപ്പുകാരനെന്നും വ്യവസ്ഥയുണ്ട്‌..
ഒരു സായന്തനത്തില്‍ മേല്‍ശാന്തിയുമായി സൗഹൃദം കൂടിയതിന്റെ അടിസ്ഥാനത്തില്‍ കിട്ടിയ വിവരം ഇതാകുന്നു-
ഈ ഗണപതി ശ്രീകോവിലില്‍ ഒരു രഹസ്യ അറയുണ്ടെന്നും...അതു ഒരു തുരങ്കമാണെന്നും....കൊടുങ്ങല്ലൂര്‍വരെ അതു എത്തിച്ചേരുമെന്നും...
ടിപ്പുവിന്റെ ആക്രമണത്തിനു വിധേയമായ ക്ഷേത്രമാണിത്‌. അതുകൊണ്ടുതന്നെ ക്ഷേത്രത്തിന്റെ സ്വത്തുക്കള്‍ സംരക്ഷിക്കാനും അധികാരികള്‍ക്ക്‌ ഒരു രക്ഷാമാര്‍ഗ്ഗവും ഉണ്ടായിക്കൂടായ്‌കയില്ല...യുക്തിയും അതു നിഷേധിക്കുന്നില്ല.
ചരിത്രത്തില്‍ എവിടേയും രേഖപ്പെടുത്താത്ത, ക്ഷേത്രൈതിഹ്യത്തില്‍ പോലും വായിച്ചറിഞ്ഞിട്ടില്ലാത്ത ഈ രക്ഷാമാര്‍ഗ്ഗം ഉണ്ടോ..??.
കേന്ദ്രപുരാവസ്‌തുവകുപ്പിന്റെ നിയന്ത്രണത്തിലാണ്‌ ഈ ക്ഷേത്രം. ആരും അങ്ങിനെ കണ്ടതായി പറഞ്ഞുകേട്ടില്ല, ഇന്നുവരെ. ഉണ്ടാകാം... അതിനാണു സാധ്യത കൂടുതലും...
ഓരോരോ കാര്യങ്ങള്‍....................ആര്‍ക്കറിയാം..!!
No comments:
Post a Comment