തൃശൂരിലെ പത്രങ്ങളുടെ ചരിത്രം പരിശോധിച്ചു, ഗൂഗിളില്‍. എല്ലാമുണ്ട്‌. പക്ഷെ, തൃശൂരിന്റെ എക്‌സ്‌പ്രസ്സിനെ പറ്റി പൊടിപോലുമില്ല. എന്തിന്‌?, പേരിനു പോലും ഒരു പരാമര്‍ശം കണ്ടില്ല. വളരെ മുമ്പ്‌ എന്റെ സുഹൃത്തും ലണ്ടനിലെ പത്രപ്രവര്‍ത്തകനുമായ ഷാഫി റഹ്മാന്‍, ഒരു കാര്യം സൂചിപ്പിക്കുകയുണ്ടായി. എക്‌സ്‌പ്രസ്സ്‌ പത്രത്തിന്റെ ഒരു ആത്മകഥയെഴുതാന്‍. സമയപ്രശ്‌നവും അതിനേക്കാളേറെ മടിയും കാരണം നീണ്ടു....ഇനി പറ്റുമോ എന്നും അറിയില്ല.
1996ല്‍ എക്‌സ്‌പ്രസ്സില്‍ ചേരുമ്പോള്‍, അത്‌ അസ്‌തമയകാലമായിരുന്നു. കേരളം കണ്ട പ്രഗത്ഭ പത്രാധിപര്‍ ടി.വി. അച്യുതവാര്യര്‍ ആയിരുന്നു പത്രാധിപര്‍...ആ ഭാഗ്യം ഉണ്ടായി. അതിനുമുമ്പ്‌ കരുണാകരന്‍ നമ്പ്യാര്‍...പ്രഗത്ഭമതികളു
അതു ഒരു കാലമായിരുന്നു. തെരഞ്ഞെടുപ്പുകാലത്ത്‌ കോളാമ്പി മൈക്ക്‌, നഗരത്തിലാകമാനം കെട്ടി, എക്‌സ്‌പ്രസ്സാണ്‌ അപ്പപ്പോള്‍ ഫലം ജനങ്ങളെ അറിയിച്ചുകൊണ്ടിരുന്നത്‌...
എഴുതി വന്നത്‌ ഇത്രയേയുള്ളൂ...
ദീര്‍ഘകാലം എക്‌സ്‌പ്രസ്സില്‍ ഉണ്ടായിരുന്നവര്‍ ഇപ്പോഴുമുണ്ട്‌. പഴയ ഫയലുകള്‍ കിട്ടാന്‍ ഒരു സാധ്യതയുമില്ല. അതെല്ലാം പൊടിതിന്നു പോയിരിക്കും. മുന്‍തലമുറക്കാര്‍ക്ക്‌ ഓര്‍ത്തെടുക്കാമെങ്കില്‍, ഒരു ഓര്‍മ്മ കുറിപ്പെങ്കിലും എഴുതാം...മലയാള പത്രപ്രവര്‍ത്തനത്തിലെ നാഴികക്കല്ലായിരുന്ന ഈ സ്ഥാപനത്തെ പറ്റി. ലോകം വിരല്‍ തുമ്പിലായിരുന്നിട്ടും ഇതൊന്നും കാണായ്‌കയാല്‍ എഴുതിപ്പോയി എന്നു മാത്രം....
