തേക്കിന്‍കാട്ടിലെ സായാഹ്നങ്ങളില്‍ കൗതുകമുള്ള കാരണവസദസ്സുകളുണ്ട്‌. വടക്കുന്നാഥക്ഷേത്രത്തിന്റെ ശ്രീമൂലസ്ഥാനത്തോടു ചേര്‍ന്നുള്ള ആല്‍ത്തറകളിലും തിണ്ടുകളിലുമായുള്ള കാരണവസദസ്സുകള്‍. മെല്ലേ, അവരുടെ അടുത്തു ചെന്നിരുന്നാല്‍, ഓര്‍മ്മകളുടെ മൊത്തവ്യാപാരം കാണാം. എല്ലാകാര്യങ്ങളിലും അവര്‍ തത്‌പരരാണ്‌!. രാഷ്‌ട്രീയവും വിലക്കയറ്റവും അയല്‍പക്കത്തെ കാര്യവും ഒക്കെ. അവരുടെ യൌവനത്തിന്റെ ഓര്‍മകളാണ് അധികവും. ജോലിസ്ഥലത്തെ കഥകള്‍..പെന്‍ഷന്‍ അരിയെര്സ് ഒക്കെ വരും ഇതില്‍. അമ്പല മുറ്റത്തായാലും ഭക്തി വിഷയം നന്നേ കുറവ്‌!. ദിവസങ്ങള്‍ക്കു ശേഷമാവും പിന്നെ ആ വഴി ചെല്ലുക. അപ്പോള്‍, കണ്ടു പരിചയിച്ച ഒന്നോ രണ്ടോ മുഖങ്ങള്‍ കൂട്ടത്തിലുണ്ടാവില്ല. പക്ഷെ, ആ ചെറിയകൂട്ടം അപ്പോഴും സംസാരിച്ചുകൊണ്ടേയിരുന്നു. അന്നു കാണാതായവരെ പിന്നൊരിക്കലും കണ്ടിട്ടുമില്ല...
No comments:
Post a Comment