ദൂരെ ഒരിടിമുഴക്കം. മുഖം കറുപ്പിച്ച ആകാശത്ത്‌ ഒരു വെള്ളിരേഖ പായുന്നു...പിന്നെ മഴ...
സന്‌ധ്യയോടടുത്ത്‌ തുലാവര്‍ഷക്കാലത്ത്‌ ആകാശത്ത്‌ നോക്കിയിരിക്കുക രസമാണ്‌. സുന്ദരിയായ യുവതിയുടെ മുഖത്തുവരുന്ന ഭാവമാറ്റങ്ങള്‍ പോലെ...
കുട്ടിക്കാലത്ത്‌ ഏറെ മോഹിപ്പിച്ചിരുന്ന കാഴ്‌ചകള്‍ രണ്ടെണ്ണമായിരുന്നു. വേനലില്‍, നീലാകാശത്തു രൂപം കൊള്ളുന്ന കൂറ്റന്‍ കൂണു പോലുള്ള വെണ്‍മേഖങ്ങള്‍..
അവ എവിടെ നിന്നില്ലാതെ രൂപം കൊള്ളുകയും അലിഞ്ഞു പോവുകയും ചെയ്‌തു. പക്ഷെ, അതിന്റെ ഘനഗാംഭീര്യം മനസ്സിനെ പിടിച്ചുവലിച്ചുകൊണ്ടേയിരുന്നു, വര്‍ഷങ്ങളോളം. വീടിന്റെ ഏകാന്തതയില്‍, അനന്തമായ സമയത്തോളം അതും നോക്കിയിരുന്നു..
ആകാശത്തിലെ മഞ്ഞുമൂടിയ ഗിരിശിഖരങ്ങള്‍..!. അതു ചിലപ്പോള്‍ ദുര്‍ഗ്രഹമായ കോട്ടകൊത്തളങ്ങളായി തോന്നിച്ചു. അതിലൂടെ നടന്നു കയറാമെന്നും അതിന്റെ മലമടക്കുകളില്‍ വിശ്രമിക്കാമെന്നും തോന്നിപ്പോയി ചിലപ്പോള്‍..! മനസ്സ്‌ പിടിവിട്ടങ്ങനെ പോകും, ആ അത്ഭുത മേഘക്കൂട്ടങ്ങളിലേക്ക്‌...
സുന്ദരമായ ദിവസങ്ങള്‍...!!
ജനലിനോടു ചേര്‍ത്തിട്ട കട്ടിലില്‍ ഈ ആകാശത്തിലെ പഞ്ഞിക്കെട്ടുകള്‍ നോക്കിനോക്കിക്കടന്ന നിമിഷങ്ങള്‍...
തുലാവര്‍ഷമെത്തുമ്പോള്‍ അതു വീണ്ടും ഓര്‍ത്തുപോകുന്നു.
ഇടിമുഴക്കം ദൂരേ കേള്‍ക്കുമ്പോഴേ, ഓര്‍മ്മവരിക മഴയുടെ ഭംഗിയാണ്‌. ഇരുണ്ട മാനത്ത്‌, ഇടക്കു ദൂരേ വീശുന്ന വെള്ളിവേരുകള്‍..!
ചിലപ്പോള്‍ അത്‌ ഒരു വെള്ളിനൂലാകും...മറ്റു ചിലപ്പോള്‍ ചെടികളുടെ വേരുകള്‍ പോലെ താഴേക്കു പൊടിച്ചിറങ്ങും..!
ആകാശം മുഴുവന്‍ കറുപ്പായിരിക്കുകയില്ല. അവിടവിടെ വെള്ളക്കീറുകള്‍. പിന്നെ ചാരനിറത്തിലൊരു ചായത്തേപ്പ്‌....
അവയ്‌ക്കിടയിലൂടെ വെള്ളിക്കൊലുസുകളുടെ ഒളിമിന്നല്‍...
ചാരം പുരണ്ട ആകാശത്തിനു കീഴെ, ഇരുണ്ട പച്ചക്കുടപിടിച്ച മരങ്ങള്‍ക്കു മുകളിലൂടെ ഈ കാഴ്‌ചകള്‍...
കാലവര്‍ഷം പോലെ തന്നെ മലയാളിമനസ്സില്‍ ഇടം പടിച്ച മനോഹരമായ ഒരു ഋതുമാറ്റമാണ്‌ തുലാവര്‍ഷം..മനസ്സുകളില്‍ ഗൃഹാതരത്വമുണര്‍ത്തുന്ന ഒരു കാലം!.
കൊല്ലവര്‍ഷത്തിലെ തുലാമാസം മുതല്‍ ലഭിക്കുന്ന മഴ. കാലവര്‍ഷത്തോളം തന്നെ ഈ തുുലാമഴക്കും കേരളത്തിന്റെ ജീവിതവുമായി അഭേദ്യബന്‌ധമുണ്ട്‌. വടക്ക്‌ കിഴക്കന്‍ മണ്‍സൂണ്‍ കാറ്റിലൂടെയാണു തുലാവര്‍ഷത്തിന്റെ വരവ്‌. ഉച്ചക്കു ശേഷം ഇടിവെട്ടും മിന്നലും കൂടിയുള്ള വരവാണ്‌ തുലാമഴയുടെ സവിശേഷത.
പാലക്കാടന്‍ ചുരവും മറികടന്നെത്തുന്ന വടക്ക്‌ കിഴക്കന്‍ മണ്‍സൂണിന്റെ വരവ്‌ മണ്ണും മനസ്സും കുളുര്‍പ്പിക്കുന്നു...
സംസ്‌ഥാനത്തിന്റെ വടക്കന്‍ ഭാഗങ്ങളെ അപേക്ഷിച്ച്‌ തെക്കന്‍ ഭാഗങ്ങളിലാണ്‌ തുലാവര്‍ഷത്തില്‍ കൂടുതല്‍ മഴ എന്ന പ്രത്യേകതയുണ്ട്‌.
കാലവര്‍ഷത്തില്‍ മഴയ്‌ക്കു കാക്കേണ്ട. തുലാവര്‍ഷത്തില്‍ മഴയ്‌ക്കു കാക്കണം എന്ന്‌ ഒരു ചൊല്ലുണ്ട്‌. കാലവര്‍ഷ മഴ പെയ്‌തുതുടങ്ങിയാല്‍ ഒഴിയില്ല. തുലാമഴ ഇടക്കു നിന്നും ഇടക്കു പെയ്‌തും ഇടവേളകളുണ്ടാകുമത്രെ!. ഒരു ഭൂപ്രദേശത്തിന്റെ ജനജീവിതവുമായി ഇത്രയും ഇടപഴകുന്ന മഴക്കാലങ്ങളെ ഇനിയും നമ്മള്‍ വേണ്ടത്ര തിരിച്ചറിഞ്ഞിട്ടില്ല. ഒരു സാഹിത്യകൃതിയിലും ഇതൊന്നും ഇന്നുവരെ സജീവസാന്നിധ്യമായിട്ടില്ലെന്നതു തന്നെ ഇതിനുള്ള തെളിവ്‌.....
good Baluji ... Mazha varunne..... rogangal varunee ennu pedippikkalalle mediayude sthiram joly... ee vattam football koode vannathu nannayi... allengil Pedipani akumayirunnu ivide...
ReplyDelete